ශ්‍රී ලංකාව

අන්තර්ජාතික මව් භාෂා දිනය වෙනුවෙන් හිටපු මැ.කො. මහත්මයාගෙන් පණිවුඩයක්

අද පෙබරවාරි 21 අන්තර්ජාතික මව් භාෂා දිනයයි.

මව් භාෂා දිනය ලෙස පෙබරවාරි 21 සැලකීමට හේතුවූයේ වර්තමාන බංග්ලාදේශයේ (එවකට නැගෙනහිර පකිස්තානයේ) භාවිතවූ බංග්ලා භාෂව වෙනුවට, රාජ්‍ය භාෂාව ලෙස බටහිර පකිස්තානයේ භාෂාව වූ උර්දු භාෂාව යොදාගැනීමට පකිස්තානය 1953දී ගත් තීරණයට එරෙහිව ඩකාහි විශ්වවිද්‍යාලයීය ශිෂ්‍යයන් ප්‍රමුඛ ජනතාව කළ අරගලයේදී ඝාතනයවූ අය සමරනුවස් බංග්ලා වැසියන් පවත්වා ගෙන ආ වැඩපිළිවෙළය. 1956 දී පකිස්තානයට ඔවුන්ගේ නියමය අකුලා ගත්තා.

මෙම දිනය දැන් එක්සත් ජාතීන්ගේ සංවිධානය විසින් අන්තර්ජාතික මව් භාෂා දිනය ලෙස නම් කර තිබෙනවා.

සෑම මනුෂ්‍යයකුම ස්වකීය මව් බසට ආදරෙයි. එනිසා අපි අපේ මව් බසට ආදරය කරමු. එමෙන්ම අන් අයටද ඔවුන්ගෙන් මව් බසට ආදරය කිරීමට හා භාවිත කිරීමට ඇති අයිතිවාසිකම පිළිගනිමු.

1956දී එකම රාජ්‍ය භාෂව ලෙස සිංහල පමණක් යොදාගැනීමට කළ නියමය දැන් වෙනස් වී තිබේ. එනමුදු තවමත් බස්නාහිර හා සිංහල බහුතරයක් සිටින ප්‍රදේශවල දෙමළ මව්බසවූ පුරවැසියනට බොහෝවිට සිංහල පමනක් යන්නට මුහුන පෑමට සිදුවන අතර මඩකලපුවේ කෙවිලියාමඩු හා යාපනයේ නාවක්කුලි වැනි ප්‍රදේශවල සිංහල මව්බස වූ පුරවැසියනට දෙමළෙන් රාජකාරි ලිපි ලැබීමේ ගැටලු පවතී. මේ තත්ත්වය කඩිනමින් විසදෙනු ඇතැයි පතමි. එසේවුවත් සමහර රාජ්‍ය ආයතන පවා ද්විභාෂා ප්‍රතිපත්තිය අනුගමනය නොකිරීම කණගාටුවට කරුණකි.

පහත පොටෝව 1979දී පැවති තත්ත්වයට උදාහරණයකි.


මහින්ද දේශප්රිය (මැතිවරණ කොමිෂන් සභාවේ හිටපු සභාපති)

Leave a Reply

Your email address will not be published. Required fields are marked *

සබැඳි ලිපි

Back to top button